O pasado luns 16 de maio celebrouse no Mercado do Calvario un evento interdisciplinar promovido pola Asociación de Comerciantes e Empresarios do Calvario para homenaxear as Letras Galegas que tanto aportaron á cultura da nosa terra.
O evento, que non se amedrentou nin un pouco pola nosa amada choiva, estivo a cargo das formacións folclóricas As Brincadeiras e Andarela, que encheron de música ó son de pandeiretas toda a rúa do Calvario, e cos versos da ilustre poeta Carmeliña García, que agasallounos cunha interpretación chea de sentimento que fixo tremer de paixón a todos aqueles viandantes que tiveron a sorte de cruzarse con ela en plena función.
O barrio do Calvario segue a apostar polo arte como principal reclamo para demostrar que é un centro comercial aberto cheo de vida e creatividade.